Tíu leikmenn Aston Villa skoruðu jöfnunarmark í uppbótartíma gegn Crystal Palace í ensku úrvalsdeildinni í dag.
Markið var hins vegar dæmt af. Kevin Friend, dómari leiksins, gaf Jack Grealish gult spjald fyrir leikaraskap í aðdragandanum og dæmdi markið, sem Henri Lansbury skoraði, af. Friend hafði flautað áður markið var skorað og því gat VAR ekki leiðrétt dóminn.
Grealish reyndi að standa í fæturnar, en missti að lokum jafnvægið eftir að hann hafði komið boltanum til Lansbury.
Ákvörðunin vakti mikla furðu á samfélagsmiðlum og skrifaði Gary Lineker, fyrrum landsliðsmaður Englands og núverandi þáttarstjórnandi Match of the Day, á Twitter:
„Þú þarft að sjá þetta til að trúa þessu. Ég skil ekki hvers vegna VAR breytti ekki þessum dómi."
Atvikið má sjá hérna.
Aston Villa-menn voru alls ekki sáttir, en þeir fóru heim til Birmingham án stiga.
The disallowed goal for @AVFCOfficial in the last minute has to be seen to be believed. Why VAR didn’t correct what appeared to be an awful refereeing error is beyond me.
— Gary Lineker (@GaryLineker) August 31, 2019
Ef dómarinn flautaði áður en að boltinn fer yfir línu þá er ekkert “Checking Goal” atriði.
— Bjarni Þór Viðarsson (@BjarniVidarsson) August 31, 2019
Sé ekki nógu vel hvort Friend hafi flautað áður. Annars shambles hjá VAR, mistökin hjá Friend að flauta of snemma.
Athugasemdir