Rui Vitoria
Gríska félagið Panathinaikos hefur ráðið portúgalska þjálfarann Rui Vitoria til starfa en hann tekur við af Diego Alonso sem var látinn taka poka sinn á dögunum.
Alonso var rekinn eftir að hafa náð í aðeins þrjá sigra úr fyrstu níu deildarleikjum Panathinaikos og var félagið ekki lengi að finna arftaka hans.
Það hefur ráðið portúgalska þjálfarann Rui Vitoria en ráðning hans var staðfest með tilkynningu í dag.
Rui Vitoria er með þokkalega ferilskrá. Hann var síðast að þjálfa egypska landsliðið en áður var hann með Benfica, Spartak Moskvu, Al Nassr og Vitoria de Guimaraes.
Hann vann portúgölsku deildina tvisvar sem þjálfari Benfica og var valinn þjálfari ársins bæði tímabilin.
Hörður Björgvin Magnússon og Sverrir Ingi Ingason eru báðir á mála hjá Panathinaikos sem er í 8. sæti grísku deildarinnar með 13 stig.
Athugasemdir
