Alex Þór Hauksson.
Hvorki Skagamenn né KR-ingar kannast við að tilboð hafi verið samþykkt í miðjumanninn Alex Þór Hauksson.
Kristján Óli Sigurðsson úr Þungavigtinni sagði frá því að KR hefði samþykkt 2 milljón króna tilboð frá ÍA í Alex Þór, en Fótbolti.net sagði frá því um síðustu helgi að Skagamenn hefðu áhuga á Alex sem og Axel Óskari Andréssyni, varnarmanni KR.
Kristján Óli Sigurðsson úr Þungavigtinni sagði frá því að KR hefði samþykkt 2 milljón króna tilboð frá ÍA í Alex Þór, en Fótbolti.net sagði frá því um síðustu helgi að Skagamenn hefðu áhuga á Alex sem og Axel Óskari Andréssyni, varnarmanni KR.
Fulltrúar félaganna kannast hins vegar ekkert við það að tilboð hafi borist, eða það verið samþykkt. Það sé ekkert í gangi á þessum tímapunkti.
„Við höfum ekki gert tilboð í neinn leikmann. Það eru nöfn rædd á fundum, en ekkert djúpt í vinnslu. Það að við höfum gert tilboð eða fengið það samþykkt, það er bara vitleysa," sagði Eggert Ingólfur Herbertsson, formaður knattspyrnudeildar ÍA, við Fótbolta.net í dag.
Alex Þór er þó mögulega á förum frá KR, og það sama má segja um Axel Óskar. Báðir komu þeir heim úr atvinnumennsku og gengu í raðir KR fyrir þetta tímabil en fengu talsverða gagnrýni, sérstaklega þegar illa gekk hjá Versturbæingum fyrir ráðninguna á Óskari Hrafni Þorvaldssyni.
Athugasemdir
