Íslenski landsliðsmaðurinn Arnór Ingvi Traustason lék allan leikinn fyrir Rapid Vín þegar liðið fékk SKN Poelten í heimsókn í austurrísku úrvalsdeildinni í dag.

Leikurinn var markalaus allt þar til á 79.mínútu þegar Arnór Ingvi tók sig til og hlóð í mark, sem reyndist sigurmark leiksins.

Arnór Ingvi fékk svo gult spjald fyrir tæklingu á síðustu mínútu venjulegs leiktíma en tæklingin var það slæm að hann sá tilefni til að biðjast afsökunar á henni á Twitter síðu sinni eftir leikinn, eins og sjá má hér fyrir neðan.

Rapid Vín skaust upp í fimmta sæti deildarinnar með þessum sigri.

Very important victory!💚 But I want to apologize for the tackle in the end, this is not a good behavior.

— Arnór Traustason (@NoriTrausta) December 3, 2016