Tómas Ingi Tómasson.
U21 árs landslið Íslands gerði markalaust jafntefli við Dani í fyrri leik liðanna um sæti á EM á næsta ári. Íslenska liðið spilaði gríðarlega þéttan varnarleik en einhverjir gagnrýndu leikstílinn eftir leik.
Hörður Magnússon, íþróttafréttamaður á Stöð 2 sport, fór meðal annars mikinn á Twitter og hætti á samskiptamiðlinum í kjölfarið. Tómas Ingi Tómasson, aðstoðarþjálfari U21 árs landsliðsins, skaut á Hörð í viðtali við Fótbolta.net í dag.
Hörður Magnússon, íþróttafréttamaður á Stöð 2 sport, fór meðal annars mikinn á Twitter og hætti á samskiptamiðlinum í kjölfarið. Tómas Ingi Tómasson, aðstoðarþjálfari U21 árs landsliðsins, skaut á Hörð í viðtali við Fótbolta.net í dag.
,,Það eru til fávitar út um allt og það eru ekki allir sammála því hvernig við spilum. Það skiptir okkur ekki máli þó að einn maður út í bæ missi sig á samfélagsmiðli. Hann gerði sjálfan sig mest að fífli. Við vorum sáttir og það skiptir kannski mestu máli," sagði Tómas Ingi við Fótbolta.net í dag.
,,Við þurfum að spila sterkan varnarleik á móti þessu liði. Þeir skoruðu 37 mörk í tíu leikjum eða 3,7 mörk í leik. Þeir eru góðir fram á við en líka sterkir í vörn."
Íslenska liðið æfði inni í Egilshöll í dag vegna kulda. ,,Við erum að fara að labba í gegnum taktík sem væri leiðinlegt að gera úti í kulda. Við erum að hugsa um strákana, að þeir hafi það gott og enginn verði veikur af því að við stóðum úti í frosti."
Leikurinn hefst klukkan 16:15 á Laugardalsvelli á morgun en miðasala er í gangi á midi.is. Tómas Ingi hvetur sem flesta til að mæta á völlinn.
,,Ég vona að allir komi á leikinn hjá okkur. Þetta er gríðarlega mikilvægt fyrir íslenskan fótbolta. Íslenska landsliðið í dag er skipað strákum sem fóru í lokakeppnina og þessir strákar eru að gera frábært mót líka. Það væri draumur að fara alla leið en til þess þurfum við virkilegan stuðning."
Hér að ofan má sjá viðtalið í heild sinni.
Athugasemdir
