Antonio Conte sat fyrir svörum á blaðamannafundi í dag, fyrir leik Chelsea gegn Hull í FA-bikarnum annað kvöld.

Athyglisverðir hlutir gerðust á þessum blaðamannafundi.

Ítalskir fjölmiðlamenn voru þangað mættir og afhentu þeir lana sínum, Conte, Manchester United treyju sem stjóri United, Jose Mourinho hafði áritað. Að Mourinho skyldi árita treyjuna sem er merkt Conte, komst í fréttirnar í síðasta mánuði.

Mourinho hló þegar hann sá nafn Conte á bakinu.

Conte og Mourinho voru býsna duglegir að skjóta á hvorn annan í gegnum fjölmiðla í síðastliðnum mánuði. Þeir hafa þó grafið stríðsöxina, í bili að minnsta kosti.