Helgi gat leyft sér að brosa eftir frábæran sigur á Leikni Fáskrúðsfirði
„Þetta verður bara erfitt framhald, hver leikur núna er bara úrslitaleikur og við þurfum bara að nálgast þá á þann hátt. En ég er mjög ánægður með strákana í dag. Frábær sigur og mjög mikið af góðum spilköflum," sagði Helgi Sigurðsson eftir gríðarlega mikilvægan 4-1 sigur á heimavelli gegn botnliði Leiknis frá Fáskrúðsfirði.
„Jújú það hefur svosem ekkert verið neitt leyndarmál, og auðvitað stefnum við á að fara upp eins og mörg önnur lið. En þetta er bara mjög erfið deild, mörg góð lið sem eru að gera tilkall og það eru öll þessi lið að leggja sig fram. Það er ekkert hægt að segja að við eigum að fara upp, vegna þess að við verðum líka að bera virðingu fyrir því starfi sem er gert á öðrum vígstöðum," sagði Helgi aðspurður að því hvort að stefnan hjá Fylkisliðinu væri ekki sett á að fara upp í Pepsi-deildina.
„Jújú það hefur svosem ekkert verið neitt leyndarmál, og auðvitað stefnum við á að fara upp eins og mörg önnur lið. En þetta er bara mjög erfið deild, mörg góð lið sem eru að gera tilkall og það eru öll þessi lið að leggja sig fram. Það er ekkert hægt að segja að við eigum að fara upp, vegna þess að við verðum líka að bera virðingu fyrir því starfi sem er gert á öðrum vígstöðum," sagði Helgi aðspurður að því hvort að stefnan hjá Fylkisliðinu væri ekki sett á að fara upp í Pepsi-deildina.
Lestu um leikinn: Fylkir 4 - 1 Leiknir F.
Albert Brynjar Ingason skoraði þrennu í leiknum í dag og var Helgi að vonum gríðarlega ánægður með hann sem og Fylkisliðið í heild sinni í dag.
„Það var frábært að sjá hann skora þrjú mörk, hann er kominn upp í tíu (mörk), þannig hann er kominn í tveggja stafa töluna. Hann mun bæta við nokkrum í viðbót það er engin spurning. Það er alltaf gott að hafa mann sem að er heitur þarna frammi. Hann stóð sig vel í dag ásamt öllum öðrum."
Viðtalið í heild sinni má sjá í spilaranum hér að ofan.
Athugasemdir
