„Það er ótrúlega gaman að hafa verið valinn og vera hluti af þessu öllu saman. Það eru ótrúlega mikil forréttindi."

Jón Daði verður án félaga síns Viðars Arnar Kjartanssonar sem ekki var valinn í lokahópinn. Þeir Selfyssingar hafa verið herbergisfélagar í landsliðsferðum.

„Það er leiðinlegt að missa félaga sinn. Hann fær samt allavega frið frá mér, ég er alltaf að böggast í honum."

Viðtalið má sjá í heild í sjónvarpinu en þar segir hann meðal annars frá stöðu sinni hjá Kaiserslautern í þýsku B-deildinni.