"Ég vil byrja á að biðjast afsökunar á ófaglegri framkomu minni þegar ég mætti ekki í viðtöl eftir seinasta leik. Því var alls ekki beint gegn ykkur heldur vissi ég bara að ég var svo heitur að ég myndi segja eitthvað bull sem ég myndi sjá eftir," var það fyrsta sem Milos Milojevic, þjálfari Víkings R. hafði að segja eftir 2-0 sigur gegn Víkingi Ó. í kvöld.
Lestu um leikinn: Víkingur R. 2 - 0 Víkingur Ó.
Þá að leiknum.
"Leikurinn í kvöld var þannig að við stjórnuðum honum frá upphafi. Þeir fengu eitt gott færi sem hefðu getað breytt gangi leiksins en hvað okkur varðar er mjög gott að skora tvö mörk í leiknum."
Þá hrósar hann hugarfari leikmanna. "Við höfum oft komist yfir en það var gott að halda haus og halda áfram í 90 mínútur."
Þá gladdist hann yfir mörkunum hjá Gary Martin.
"Já ég er alltaf ánægður að sjá menn skora, sama hver það er. En mörk gera mikið fyrir framherja og ég vona að þetta sé upphafið að góðu gengi hans. Hann er besti framherjinn í deildinni."
Þá talaði hann um stórmótin tvö sem eru í gangi úti í heimi.
"Ég hef ekki verið mikið fyrir EM til þessa. Ég hef verið meira á Copa America vagninum.
Athugasemdir