Sinisa Mihajlovic, þjálfari Sampdoria, kallar ekki allt ömmu sína en hann var brjálaður eftir 1-1 jafntefli gegn Genoa í grannaslag í Serie A í gærkvöldi.
Mihajlovic var brjálaður eftir að Vasco Regini gaf aukaspyrnu á hættulegum stað undir lok leiksins.
Genoa náði ekki að skora úr aukaspyrnunni en þrátt fyrir það var Mihajlovic allt annað en sáttur eftir leik.
Mihajlovic rauk inn á völl og ætlaði að ráðast á Regini en liðsfélagar hans þurftu að grípa inn í.
,,Þegar að leikmaður snýr baki í markið á ekki að brjóta svona," sagði Mihajlovic ósáttur eftir leik.
Athugasemdir