Gauti Gautason, leikmaður KA braut bátsbein á vinstri ristinni í síðasta leik KA gegn Haukum um síðustu helgi. Þetta er mikið áfall fyrir KA sem ætla sér stóra hluti í 1. deildinni í ár.
Gauti fer í aðgerð á föstudaginn eftir viku og talið er að hann verði frá í að minnsta sex vikur eftir aðgerð.
Gauti fer í aðgerð á föstudaginn eftir viku og talið er að hann verði frá í að minnsta sex vikur eftir aðgerð.
„Ég næ restinni af tímabilinu," sagði Gauti í samtali við Fótbolta.net.
Hann braut beinið í fyrri hálfleik í leiknum gegn Haukum, í þann mund sem hann var að snúa sér við á vellinum.
„Ég reyndi að halda áfram en það var töluvert erfitt að stíga niður í löppina og ég fór út af stuttu seinna."
KA mætir Gróttu á Seltjarnarnesi á morgun klukkan 15:00 í fjórðu umferð 1. deildar karla.
Athugasemdir