Watford hefur samið við danska kantmanninn Philip Zinckernagel. Hann skrifar undir fimm og hálfs árs samning við enska félagið.
Hinn 26 ára gamli Zinckernagel var síðast á mála hjá Noregsmeisturum Bodö/Glimt. Þar var hann liðsfélagi Alfons Sampsted í mögnuðu liði.
Zinckernagel spilaði heldur betur stórt hlutverk í liði Bodö/Glimt þegar liðið varð meistari á síðasta ári. Hann skoraði 19 mörk og átti 18 stoðsendingar í 28 leikjum.
Zinckernagel gæti spilað sinn fyrsta leik fyrir Watford í FA-bikarnum þann 9. janúar gegn Manchester United.
Watford er sem stendur í fimmta sæti Championship-deildarinnar á Englandi.
Athugasemdir