Enzo til Chelsea fyrir metfé (Staðfest)
Mynd: Getty Images
Mynd: Getty Images
Enzo Fernandez er genginn til liðs við Chelsea frá Benfica en hann skrifar undir átta og hálfs árs samning. Benfica hefur staðfest skiptin.
Liðin höfðu verið í miklum viðræðum um hvernig ætti að borga fyrir leikmanninn en heildarverðið er 106.8 milljónir punda sem er met hjá ensku félagi. Samkvæmt heimildum Fabrizio Romano fékk Chelsea ósk sína uppfyllta.
Jack Grealish var dýrasti leikmaður í sögu Englands þegar Manchester City keypti hann frá Aston Villa fyrir 100 milljónir punda.
Chelsea mun borga 40 milljónir punda strax og restina í sex greiðslum næstu árin.
