Sergio Aguero, leikmaður Manchester City, vill spila áfram á Englandi þegar samningur hans við félagið rennur út í sumar.
Búið er að staðfesta brottför Aguero frá Man City en hann yfirgefur félagið eftir tíu ára dvöl í Manchester.
Samkvæmt Daily Mail þá vill Aguero ekki fara erlendis og mun reyna að halda ferlinum áfram í ensku úrvalsdeildinni.
Manchester United og Chelsea eru orðuð við framherjann sem er markahæsti leikmaður í sögu Man City.
Það má þó búast við að fjölmörg lið erlendis reyni við Argentínumanninn sem er 32 ára gamall.
Aguero á að baki 271 deildarleik fyrir Man City og skoraði í þeim 181 mark.
Athugasemdir