Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 01. apríl 2023 10:31
Jóhann Þór Hólmgrímsson
PSG tilbúið að borga Messi hvað sem er
Powerade
Mynd: EPA
Mynd: Getty Images
Mynd: EPA
Osimhen, Havertz, Messi, Shaw, De Gea, Tchouameni, Aubameyang og fleiri í slúðurpakkanum á laugardegi.

Chelsea er búið að blanda sér í baráttuna um Victor Osimhen, 24, framherja Napoli og nígeríska landsliðið. (Standard)

Chelsea ætlar einnig að bjóða í Alejandro Balde, 19, vinstri bakvörð Barcleona í sumar en hann á að taka við af Ben Chilwell, 26. (Sport)

Bayern Munchen hefur áhuga á Kai Havertz framherja Chelsea en leikmaðurinn hefur áður tjáð sig um að vilja spila aftur undir stjórn Thomas Tuchel. (90min)

Chelsea á von á tilboði frá Real Madrid í enska hægri bakvörðinn Reece James, 23. (Football Insider)

PSG hefur tjáð Lionel Messi að félagið muni borga honum hvað sem er til að halda honum þar sem Barcelona er sagt hafa haft samband. (Mundo Deportivo)

Arsenal hefur áhuga á Aurelien Tchouameni en Liverpool er einnig talið hafa áhuga á þessum 23 ára gamla franska miðjumanni. (El Nacional)

Arsenal íhugar að bjóða í Raphinha, vængmann Barcleona og brasilíska landsliðsins en hann gekk til liðs við spænska félagið frá Leeds síðasta sumar. (Football Insider)

Jurgen Klopp stjóri Liverpool segir að félagið hafi haft í nógu að snúast í landsleikjahléinu að skoða leikmenn sem á að kaupa í sumar en félagið er tilbúið að eyða miklu í glugganum. (Mirror)

Luke Shaw, 27, hefur samþykkt nýjan fjögurra ára samning hjá Manchester United. (Athletic)

Pierre-Emerick Aubameyang, 33, vill fara aftur til Barcelona en Chelsea vill ekki selja framherjann. (Sport)

Roma íhugar að reyna við David de Gea markvörð Manchester United en samningurinn hans rennur út í sumar. (Fichajes)

Daniel Levy stjórnarforðmaður Tottenham ætlar ekki að selja leikmenn aftur til Manchester liðanna þar sem hann sér eftir því að hafa selt Kyle Walker, 32, til Man City árið 2017. (Mail)

Erik ten Hag mun ákveða framtíð Scott McTominay og Victor Lindelof í sumar en Newcastle hefur áhuga á McTominay og Inter og Atletico Madrid hafa áhuga Lindelof. (Fabrizio Romano)

Ganverjarnir Jeffrey Schlupp, 30 og Jordan Ayew, 31, hafa skrifað undir nýjan samning við Crystal Palace. (Athletic)


Athugasemdir
banner
banner
banner
banner