Sóknarmaðurinn Patrick N'Koyi mun ekki leika áfram með Grindavík. Þetta sagði Túfa, þjálfari liðsins, eftir markalausa jafnteflið gegn FH í Pepsi Max-deildinni í kvöld.
Rene Joensen fór til HB í Færeyjum og N'Koyi er líka farinn.
„Rene (Joensen) er farinn og Patrick N'koyi er farinn líka og svo erum við að missa fljótlega Jón Ingason sem er að fara í nám," sagði Túfa eftir leikinn.
N'Koyi er 29 ára gamall sóknarmaður sem ólst upp í Hollandi. Hann lék meðal annars með FC Eindhoven og Fortuna Sittard í Hollandi og einnig hefur hann leikið Rúmeníu, Skotlandi og Tælandi.
Hann leiki í deild og bikar fyrir Grindavík og skoraði hann tvö mörk í þessum leikjum.
Túfa stefnir á að styrkja Grindavíkurliðið eitthvað í glugganum sem opinn er allan mánuðinn. Grindavík er í tíunda sæti Pepsi Max-deildarinnar með 11 stig.
Athugasemdir
