banner
   mán 01. júlí 2019 16:15
Elvar Geir Magnússon
Valur kaupir Patrick Pedersen (Staðfest)
Fjögurra ára samningur
Patrick Pedersen hefur gert fjögurra ára samning við Val.
Patrick Pedersen hefur gert fjögurra ára samning við Val.
Mynd: Fótbolti.net - Bára Dröfn Kristinsdóttir
Íslandsmeistarar Vals hafa staðfest kaup á danska framherjanum Patrick Pedersen.

Hinn 27 ára gamli Patrick var markakóngur í Pepsi-deildinni á síðasta tímabili en hann skoraði sautján mörk. Hann var valinn besti leikmaður tímabilsins.

Eftir tímabilið var hann seldur til Sheriff í Moldavíu en félagið hafði séð Patrick þegar liðið mætti Val í Evrópudeildinni um sumarið.

Hjá Sheriff skoraði Patrick fimm mörk í átján leikjum en hann átti ekki fast sæti í byrjunarliðinu í Moldavíu.

Patrick kom fyrst til Valsmanna árið 2013 en hann hefur skorað 47 mörk í 72 leikjum í Pepsi-deildinni á ferli sinum. Patrick hefur verið hjá Val með hléum frá árinu 2013 en hann lék einnig um tíma með Viking í Noregi.

Tilkynning Vals:

PATRICK PEDERSEN AFTUR Í VAL

Valur hefur keypt danska framherjann Patrick Pedersen frá moldóvska liðinu FC Sheriff. Patrick Pedersen er Valsmönnum góðu kunnugur og var markahæsti maður liðsins á síðasta tímabili og lék stórt hlutverk í sigri liðsins á Íslandsmótinu 2018. Patrick hefur skorað 47 mörk í 72 deildarleikjum fyrir Val og er fjórði markahæsti leikmaður félagsins frá upphafi.

Patrick gerir 4 ára samning við Val.



Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner
banner