Sveindís Jane Jónsdóttir, leikmaður íslenska landsliðsins, var fljótasti leikmaður Evrópumótsins.
Mótinu lauk í gær þegar England hafði betur gegn Þýskalandi í úrslitaleiknum.
Mótinu lauk í gær þegar England hafði betur gegn Þýskalandi í úrslitaleiknum.
Núna þegar mótinu er lokið, þá er það Sveindís sem situr á toppi listans yfir leikmennina sem átti hröðustu sprettina á mótinu; Keflvíkingurinn átti hraðasta sprettinn á mótinu.
Sveindís átti hraðasta sprettinn eftir fyrstu umferð riðlakeppninnar þar sem hún átti sprett í leiknum gegn Belgíu sem mældist á 31,7 kílómetra hraða á klukkustund.
Það var ekki bætt. Næst kom Delphine Cascarino frá Frakklandi. Hún átti sprett sem mældist á 31,3 kílómetra hraða á klukkustund.
Það er því hægt að fullyrða það að Sveindís hafi verið fljótasti leikmaður Evrópumótsins í sumar.
Sandra í þriðja sæti
Það vekur þá athygli að Sandra Sigurðardóttir, markvörður Íslands, er í þriðja sæti yfir flest varin skot á mótinu. Hún varði alls 17 skot, en markverðirnir sem eru fyrir ofan hana - frá Hollandi og Belgíu - spiluðu einum leik meira en hún.
Athugasemdir