Víkingur er á leið í þriðja bikarúrslitaleikinn í röð eftir öruggan sigur á Blikum.

Þetta eru tvö bestu lið landsins sem hafa verið í harðri baráttu um bæði deild- og bikar á þessu tímabili.

Karl Friðleifur Gunnarsson, uppalinn Bliki, skoraði annað mark Víkings í kvöld og fagnaði með því að ögra liðinu og hlaupa fyrir framan bekk þeirra. Karl var á láni hjá Víkingum frá Blikum á síðasta tímabili áður en skiptin voru gerð varanleg fyrir þetta tímabil.

Kristall Máni, fyrrum leikmaður Víkings, skaut létt á Blika eftir sigurinn í kvöld.

„Karl Friðleifur Gunnarsson. Þeir seldu hann bara," sagði Kristall Máni í svari til Nikola Djuric.