Byrjunarlið Stjörnunnar og FH: Emil Atlason byrjar frammi - Óli Kalli snýr aftur á Samsung

Núna klukkan 20:15 hefst leikur Stjörnunnar og FH á Samsungvellinum í Pepsi Max-deild karla.

Stjörnumenn sitja í fimmta sæti deildarinnar með 27 stig á meðan að FH-ingar eru í öðru sæti með 32 stig. FH-ingar geta með sigri í dag minnkað forskot Vals á toppnum niður í sex stig á meðan að Stjörnumenn freista að ná Evrópusæti. Byrjunarliðin eru nú klár.

Stjörnumenn gera tvær breytingar á liði sínu frá 3-2 sigrinum gegn HK. Þeir Jósef Kristinn og Sölvi Snær eru ekki í leikmannahópi í dag og inn koma þeir Emil Atlason og Alex Þór Hauksson.

FH-ingar gera sömuleiðis tvær breytingar á liði sínu. Þeir Baldur Sigurðsson og Logi Hrafn Róbertsson koma út og inn koma þeir Hjörtur Logi og Eggert Gunnþór. Liðin má sjá hér að neðan.