Klopp: Willian einn besti leikmaður í sögu deildarinnar
Mynd: EPA
Mynd: EPA
Liverpool er í mikilli toppbaráttu í ensku úrvalsdeildinni en liðið er í þriðja sæti aðeins tveimur stigum á eftir toppliði Arsenal.
Liverpool er komið áfram í Evrópudeildinni eftir öruggan sigur á LASK frá Austurríki í gær en liðið fær Fulham í heimsókn í úrvalsdeildinni á morgun.
Fulham er í 14. sæti deildarinnar með 15 stig en Klopp er mjög hrifinn af liðinu. Hann er sérstaklega hrifin af Willian en þessi 35 ára gamli Brasilíu maður átti góðan feril með Chelsea á sínum tíma.
„Þetta er mjög gott fótboltalið. Þú ert með einn af bestu leikmönnum sem hefur verið í úrvalsdeildinni og hann er enn á fullu," sagði Klopp.
Willian skoraði tvö mörk af vítapunktinum í dramatískum 3-2 sigri á Wolves í síðustu umferð en hefur skorað þrjú mörk í deildinni í ár.
