Spænska félagið Barcelona er að eltast við spænska vængmanninn Fabio Blanco en hann verður samningslaus í sumar.
Blanco er aðeins 17 ára gamall en hann er á mála hjá spænska félaginu Valencia.
Mörg stórlið í Evrópu eru að fylgjast með stöðu hans en minni félög hafa boðið honum byrjunarliðssæti.
Eins og áður segir þá verður hann samningslaus í sumar en Börsungar hafa þegar boðið honum samning og hafa lofað honum að lána hann út í annað spænskt úrvalsdeildarfélag.
Blanco hefur ekki enn spilað leik fyrir aðallið Valencia en hann á fimm leiki að baki fyrir yngri landslið Spánar og skorað í þeim tvö mörk.
Athugasemdir