Rodgers yfirgefur Leicester (Staðfest)

Rodgers stýrði Leicester í fjögur ár en nú er hann horfinn á braut. Þetta var félagið að tilkynna rétt í þessu.

„Verkefnið sem er framundan hjá okkur í næstu tíu leikjum er nokkuð augljóst. Nú þurfum við að koma saman og sýna æðruleysi, gæði og baráttu," sagði Aiyawatt Srivaddhanaprabha, stjórnarformaður félagsins.

„Leicester City hefur náð samkomulagi við Brendan Rodgers um að hann muni hætta störfum hjá félaginu eftir fjögur ár sem aðalþjálfari liðsins," sagði í tilkynningu frá klúbbnum.

Leicester City er í næst neðsta sæti deildarinnar þegar tíu leikir eru eftir en liðið tapaði í gær gegn Crystal Palace þar sem Palace skoraði með síðustu spyrnu leiksins.