Alex Þór Hauksson, miðjumaður Stjörnunnar, er tekinn við fyrirliðahlutverkinu í Garðabænum eftir að Baldur Sigurðsson yfirgaf félagið og gekk í raðir FH.
Alex er tvítugur og er yngsti fyrirliði Pepsi Max-deildarinnar. Hann er stoltur af því að fá þetta hlutverk.
„Það er mikill heiður og ég er mjög stoltur af því. En það er fullt af leiðtogum í þessu liði og ekkert aðalatriðið hver er með band á hendinni. Við verðum allir að sinna okkar hlutverki 100% ef við viljum komast þangað sem við ætlum okkur," segir Alex.
Alex er tvítugur og er yngsti fyrirliði Pepsi Max-deildarinnar. Hann er stoltur af því að fá þetta hlutverk.
„Það er mikill heiður og ég er mjög stoltur af því. En það er fullt af leiðtogum í þessu liði og ekkert aðalatriðið hver er með band á hendinni. Við verðum allir að sinna okkar hlutverki 100% ef við viljum komast þangað sem við ætlum okkur," segir Alex.
Stjörnunni er spáð 6. sæti af Fótbolta.net en kynning á liðinu verður birt seinna í dag.
„Okkur er oft spáð í kringum þetta sæti og þessi spá kemur ekkert á óvart en ég get alveg sagt þér það að við erum ekki að stefna á sjötta sætið. Deildin mun ekki spilast eftir spánni heldur því sem gerist inni á vellinum og við ætlum að gera mun betur en þetta."
Stjarnan hefur tekið tvo æfingaleiki að undanförnu, vann 3-0 gegn KR og tapaði 4-3 fyrir Víking í gær.
„Við höfum getað tekið fullt af jákvæðum hlutum úr þessum æfingaleikjum sem við höfum verið að taka. Þetta snýst allt um að vera klárir í fyrsta leik og það hefur verið gott að mæta tveimur hörkuliðum. Það er mikill spenningur og verður gaman þegar þetta fer loksins af stað," segir Alex Þór Hauksson.
Athugasemdir