Lið og leikmaður 7. umferðar - Miðvörður með tvennu

Joachim Holtan var með mark og stoðsendingu og kemst einnig í úrvalsliðið. Magnús Már Einarsson er þjálfari umferðarinnar.

Eftir hikst að undanförnu náði Þróttur aftur sigri, vann 2-0 gegn Grindavík. Kári Kristjánsson var með mark og stoðsendingu í liði Þróttara. Brynjar Gautur Harðarson var öflugur á miðjunni.

Það urðu óvænt úrslit í Breiðholti þegar Leiknir vann 4-1 sigur á HK. Shkelzen Veseli skoraði tvö mörk fyrir Leikni og markvörðurinn frábæri Ólafur Íshólm Ólafsson átti enn og aftur öflugan leik.

Grótta heldur áfram að koma á óvart og vann 2-1 útisigur gegn Njarðvík. Grímur Ingi Jakobsson skoraði fyrsta mark leiksins og þá er Kristófer Dan Þórðarson einnig í úrvalsliðinu.

Konstantin Cheshmedjiev skoraði sigurmark Vestra sem vann 1-0 útisigur gegn ÍR í Breiðholtinu. Hann var valinn maður leiksins.

Markús Máni Jónsson skoraði í 3-2 útisigri Ægis gegn Völsungi á Húsavík og var valinn maður leiksins. Stefan Dabetic fyrirliði Ægis átti einnig hörkuflottan leik.

Fyrri úrvalslið:
6. umferð - Jordan Adeyemo - Ægir
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR