Gunnlaugur Fannar lánaður í Hauka (Staðfest)

Gunnlaugur Fannar er fæddur árið 1994 og uppalinn í Haukum en hann fór í Víking í desember árið 2016 og á að baki 31 leik og 1 mark fyrir Fossvogsliðið.

Hann hefur aðeins fengið að spila þrjá leiki á þessu tímabili undir stjórn Arnars Gunnlaugssonar en er nú kominn með félagaskipti í Hauka.

Hann verður á láni hjá uppeldisfélaginu út þetta tímabil.

Gunnlaugur á að baki 100 leiki og 5 mörk fyrir Hauka í bæði deild- og bikar.

Haukar eru í 9. sæti með 9 stig eftir níu leiki.