Víkingar þurftu að skrifa söguna og gerðu það

Framkvæmdastjóri Víkings, Haraldur Haraldsson, vakti á X athygli á þeirri staðreynd í gær að sigurinn gegn Egnatia í Albaníu hefði verið fyrsti sigur í Víkings á útivelli í sögunni.

„Fyrsti Evrópusigur Víkings á útivelli í sögunni. Sturluð staðreynd fyrir þennan risaklúbb!" skrifaði Haraldur.

Víkingur þurfti að vinna sigur, liðið var marki undir eftir fyrri leik liðanna sem fram fór á Víkingvelli, og Víkingar heldur betur gerðu það. Íslands- og bikarmeistararnir unnu 0-2 sigur og eru komnir áfram í 3. umferð forkeppninnar í Sambandsdeildinni.