Fulham nældi í bakvörð Milan (Staðfest)
Mynd: EPA
Mynd: EPA
Fodé Ballo-Touré bakvörður AC Milan á Ítalíu er genginn til liðs við Fulham á láni en þetta var staðfest um miðnætti.
Ballo-Toure er fæddur í Frakklandi en á að baki 25 landsleiki fyrir hönd Senegal.
Hann er uppalinn hjá PSG og lék með varaliði félagsins áður en hann gekk til liðs við Lille. Hann lék einnig með Monaco áður en hann færði sig yfir til Ítalíu og gekk til liðs við Milan.
Hann kemur til með að veita Antonee Robinson samkeppni um vinstri bakvarðarstöðuna hjá Fulham.
