Iwobi gerir fimm ára samning við Fulham (Staðfest)
Mynd: Getty Images
Mynd: Getty Images
Alex Iwobi samdi við Fulham á síðustu metrunum á lokadegi félagaskipta gluggans í gær. Hann gerir fimm ára samning við félagið.
Hann kemur til liðsins frá Everton en kaupverðið er í kringum 20 milljónir punda.
Iwobi gekk til liðs við Everton sumarið 2019 en þá var Marco Silva stjóri liðsins.
Þeir hittast nú aftur hjá Fulham.
„Ég er í skýjunum, ég get ekki beðið eftir því að byrja. Svo spenntur að byrja vegferðina mína hérna," sagði Iwobi við undirskriftina.
„Marco Silva ræddi við mig um metnað félagsins og ég er klár í þetta. Vonandi get ég komið með eitthvað að borðinu fyrir félagið."
