Fyrr í dag greindi Bild í Þýskalandi frá því að áhuginn væri til staðar og hefur nú Sky tekið undir þær sögusagnir.

Bayern hefur lengi haft augastað á þessum efnilega leikmanni og reyndi að fá hann í sínar raðir í byrjun árs en án árangurs.

Bayern bauð 30 milljónir í enska landsliðsmanninn en Chelsea neitaði að selja og skrifaði Hudson-Odoi seinna undir nýjan samning.

Nú er útlit fyrir það að Hudson-Odoi gæti verið á leið til Þýskalands eftir allt saman en Bayern mun fá leikmanninn lánaðan út tímabilið.

Sky segir að það sé svo skylda Bayern að kaupa leikmanninn næsta sumar og gæti ferill hans á Stamford Bridge verið á enda.

Félagaskiptaglugginn lokar næstkomandi mánudag.