Ari Freyr Skúlason lék allan leikinn er Oostende tapaði fyrir St. Truiden í efstu deild belgíska boltans.
Gengi Oostende hefur verið skelfilegt að undanförnu og er liðið aðeins með 11 stig eftir 14 umferðir.
Tapið í dag var það fimmta í röð og var þetta þriðji leikurinn í röð sem liðinu tekst ekki að skora.
St. Truiden 1 - 0 Oostende
1-0 Y. Suzuki ('56)
Í B-deildinni töpuðu lærisveinar Arnars Grétarssonar í Roeselare gegn Beerschot.
Heimamenn komust tveimur mörkum yfir og tókst gestunum ekik að jafna þrátt fyrir mark frá Godwin Saviour á 77. mínútu.
Roeselare er ásamt Lommel á botni deildarinnar, fimm stigum frá öruggu sæti. Liðin eru bæði með 8 stig eftir 13 umferðir.
Beerschot 2 - 1 Roeselare
1-0 M. Halaimia ('15)
2-0 P. Fessou ('44)
2-1 G. Saviour ('77)
Athugasemdir