Salah skoraði mark númer 250 fyrir Liverpool

Egypski kóngurinn hefur legið undir gagnrýni á upphafi nýs tímabils þar sem hann fór í gegnum sex leiki í röð án þess að skora, en er núna búinn að skora í síðustu tveimur leikjum.

Markið sem hann skoraði í gærkvöldi var 250. mark hans fyrir Liverpool, en hann er á sínu níunda tímabili hjá félaginu.

„Það er góð tilfinning að skora mörk og vinna titla með þessu risastóra félagi, ég er svo stoltur að vera búinn að gera 250 mörk fyrir Liverpool," sagði Salah eftir sigurinn.

„Ég hef spilað fótbolta í mörg ár og ég myndi segja að þetta sé erfitt tímabil fyrir okkur útaf því að við erum með svo mikið af nýjum leikmönnum. Þetta eru virkilega gæðamiklir leikmenn en það tekur tíma fyrir þá að laga sig fullkomlega að leikstílnum okkar og enska boltanum. Við fengum frábæra leikmenn í sumar en misstum líka mjög góða menn þannig að við erum allir að fara í gegnum ákveðið aðlögunarferli. Þetta mun allt smella saman að lokum."

TENGT EFNI01.11.25 - 23:36

Slot: Vorum smá heppnir