Sænski framherjinn Zlatan Ibrahimovic skoraði annað aukaspyrnumark sitt á tímabilinu í 3-0 sigri Milan á Genoa í Seríu A í gær.
Markið kom á 10. mínútu leiksins. Milan fékk aukaspyrnu af 25 metra færi og var það ekkert vandamál fyrir Zlatan sem setti boltann hægra megin við vegginn og í hornið.
Salvatore Sirigu, markvörður Genoa og fyrrum samherji Zlatans hjá Paris Saint-Germain, stóð hreyfingarlaus á línunni.
Þetta var annað aukaspyrnumark Zlatans á leiktíðinni og er hann nú með sex deildarmörk í aðeins níu leikjum.
Smelltu hér til að sjá aukaspyrnumark Zlatans
Athugasemdir