Ten Hag segir þörf fyrir nýjan sóknarmann

„Ég tel okkur vera með gott lið þegar allir leikmenn eru til reiðu en það eru margir leikir framundan og ég tel þörf á að við bætum við okkur sóknarmanni," segir Ten Hag.

United er sem stendur í fjórða sæti með 32 stig og á leik til góða á Newcastle sem er í þriðja sæti með 34 stig.

Cristiano Ronaldo hefur yfirgefið United eins og frægt er.

„Við þurfum að fá sóknarmann sem getur haft áhrif, annars er bara verið að brenna peninga án þess að styrkja hópinn og það hjálpar ekkert.

Marcus Rashford skoraði sigurmarkið gegn Wolves í síðasta leik en Anthony Martial hefur verið mikið á meiðslalistanum.

Manchester United mætir Bournemouth í ensku úrvalsdeildinni í kvöld.