mið 03. júní 2020 12:00
Magnús Már Einarsson
Ighalo: Vil fara hærra og hærra með Man Utd
Mynd: Getty Images
Odion Ighalo er mjög ánægður með að hafa framlengt lánssamning sinn hjá Manchester United.

Ighalo kom til Manchester United í janúar síðastliðnum en í vikunni framlengdi félagið lánssamninginn við Shanghai Shenhua til 31. janúar á næsta ári.

„Ég er mjög ánægður. Það er draumur fyrir mig að vera hér. Ég er mjög spenntur og klár í slaginn," sagði Ighalo.

„Eins og ég hef sagt. Ég hef verði stuðningsmaður félagsins síðan ég var ungur og það er draumur að spila hér. Núna hef ég framlengt lánssamninginn minn og ég er skuldbundinn til að vera hér þar til í lok janúar."

„Ég vil leggja hart að mér og njóta þess. Ég vil hjálpa liðinu og gera allt sem vð getum til að fara hærra og hærra."

Athugasemdir
banner
banner
banner
banner