Sterkasta lið 18. umferðar - 17 ára sex sinnum í liðinu

Breiðablik gerði 1-1 jafntefli við Þrótt í Laugardalnum. Agla María Albertsdóttir átti flottan leik í liði Blika og Þórdís Nanna Ágústsdóttir stóð sig vel í liði Þróttar.

Á hinum enda töflunnar unnu Víkingur, Fram og Valur sterka sigra og skildu Þór/KA eftir í neðsta sæti deildarinnar.

Einar Guðnason er þjálfari umferðarinnar eftir sterkan sigur Víkings gegn Stjörnunni á útivelli. Þar voru Bergþóra Sól Ásmundsdóttir og Jasmín Erla Ingadóttir á deginum sínum ásamt Telmu Ívarsdóttur, markverði liðsins.

Telma kemst hins vegar ekki í sterkasta lið umferðarinnar þar sem Ashley Brown Orkus var mögnuð í sigri Fram gegn ÍBV. Þar hélt Taylor Marie Hamlett einnig áfram að skora.

Þá voru Lillý Rut Hlynsdóttir og Málfríður Anna Eiríksdóttir öflugar í vörn Vals gegn Grindavík/Njarðvík og Emma Hawkins fór fyrir sóknarleiknum.