Sjáðu umspilsmörkin: „Með augu í hnakkanum“

Fyrri leikirnir í undanúrslitum umspils Lengjudeildarinnar fóru fram í gær og voru sýndir beint á Livey. Seinni leikirnir verða á sunnudag og þá ræðst hvaða lið munu mætast í úrslitaleiknum á Laugardalsvelli þar sem sæti í Bestu deildinni verður í boði.

Það var fimm marka leikur í Kórnum þar sem Fylkir varð fyrsta liðið til að vinna HK-inga á þeirra heimavelli. Magnús Haukur Harðarson lýsti leiknum og var skiljanlega hrifinn af stoðsendingu nafna síns, Magnúsar Daða Ottesen í leiknum.

Þá fór Þróttur með gott veganesti heim í Laugardalinn eftir nauman sigur í Njarðvík.