Aldís María er hér fyrir miðju í leik með Hömrunum sumarið 2018
„Mér fannst þetta ganga vel. Við gerðum allt sem við ætluðum okkur og náðum að klára með sigri,“ sagði Aldís María Jóhannsdóttir sem átti góðan leik í liði Tindastóls sem vann 3-1 sigur á Víkingum í kvöld.
Lestu um leikinn: Víkingur R. 1 - 3 Tindastóll
Aldís María skoraði fyrsta mark leiksins og lagði svo upp annað markið.
„Ég ætlaði bara að setja hann yfir markmanninn og í markið, það tókst,“ sagði Aldís um markið sitt sem hún kláraði fallega yfir markvörð Víkinga.
Aldís María lék með Hömrunum í 2. deild á síðasta tímabili en ákvað að færa sig yfir í Tindastól fyrir þetta tímabil.
„Mér líður mjög vel á Króknum og þetta er mjög fín tilbreyting. Jónsi sannfærði mig og ég ákvað að prófa. Ég sé ekki eftir því,“ sagði Aldís María um vistaskiptin en hægt er að horfa á allt viðtalið við hana í spilaranum hér að ofan.
Athugasemdir
