Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 03. júlí 2020 13:00
Magnús Már Einarsson
Augnablik var án sex leikmanna sem voru í sóttkví
Augnablik fagnar marki í leik í sumar.
Augnablik fagnar marki í leik í sumar.
Mynd: Fótbolti.net - Hafliði Breiðfjörð
Augnablik tapaði 5-0 á útivelli gegn Keflavík í Lengjudeild kvenna í gærkvöldi. Kórónaveirusmit greindist í kvennaliði Breiðabliks í síðustu viku og allir leikmenn liðsins eru nú í sóttkví.

Augnablik er venslafélag Breiðabliks og sex leikmenn liðsins eru í sóttkví þar sem þeir eru í æfingahóp Blika. Augnablik vildi fresta leiknum gegn Keflavík en KSÍ hafnaði þeirri beiðni.

„Það hafði þó nokkur áhrif á okkur í gær að sex leikmenn liðsins sem æfa með meistaraflokki Blika eru í sóttkví þessa dagana og til viðbótar var einn leikmaður úr byrjunarliði síðasta leiks frá vegna meiðsla," segir á Facebook síðu Augnabliks.

„Slík forföll væru líklega hvaða liði sem er erfið og var því leitað til KSÍ um frestun leiksins. Því var hafnað. Við erum hins vegar með stóran og öflugan leikmannahóp og mættum því björt og brosandi til leiks, með ungt og sprækt lið - jafnvel á okkar mælikvarða."

„Á meðal þessara ungu leikmanna var Margrét Brynja Kristinsdóttir, sem lék sinn fyrsta leik fyrir félagið. Hún er fædd árið 2006 og því enn í fjórða flokki. Margrét Brynja stóð sig virkilega vel í erfiðri baráttu á miðjunni."
Athugasemdir
banner
banner
banner