Það hafa alltaf verið þrjár skiptingar leyfðar í úrvalsdeildinni þar til eftir Covid faraldurinn þegar þeim var fjölgað í fimm.

Áform voru uppi um að hafa áfram fimm skiptingar út næstu leiktíð en svo mun ekki vera eftir hluthafakosninguna í dag.

Leikmannahópar verða skipaðir af 18 leikmönnum á næsta tímabili. Ellefu byrjunarliðsmenn og sjö varamenn.

Þessi ákvörðun gæti leitt til aukinnar meiðslahættu og fleiri breytinga í byrjunarliðum á milli leikja þar sem leikjaplanið er ansi stíft og leikmenn munu þurfa aukna hvíld.

Þýsk félög hafa ákveðið að halda fimm skiptingum á næstu leiktíð.