Enska götublaðið The Sun var með frétt í morgun um að Ole Gunnar Solskjær, stjóri Manchester United, átti að hafa sagt við leikmenn liðsins að hann gæti verið rekinn ef næstu tveir leikir fara ekki nægilega vel.
Fréttin var í slúðurpakkanum hér á Fótbolta.net.
Fréttin var í slúðurpakkanum hér á Fótbolta.net.
Solskjær var spurður að því á fréttamannafundi hvernig honum liði með þessar sögur sem væru í gangi.
„Ég er góður. Það er alls ekki neitt vandamál," sagði Solskjær.
„Stundum hlær maður þegar maður les sögur um það sem ég á að hafa sagt. Þetta eru engir heimildarmenn, þeir eru bara skáldaðir upp. Þetta er algjört kjaftæði, lygi."
Manchester United, sem mætir Tottenham á morgun, er með 18 stig í ensku úrvalsdeildinni. Liðið hefur ekki verið með eins fá stig í efstu deild síðan 1988-89 en þá endaði það í ellefta sæti.
Athugasemdir