William Saliba, leikmaður Arsenal, er genginn í raðir Nice á láni frá enska félaginu en enska félagið greinir frá samkomulaginu í kvöld.
Arsenal keypti Saliba frá St. Etienne árið 2019 en lánaði hann aftur til franska félagsins.
Hann spilaði með St. Etienne á síðustu leiktíð en gekk svo í raðir Arsenal um sumarið. Leikmaðurinn var mikilvægur í vörn St. Etienne sem komst í úrslitaleik franska bikarsins en fékk ekki að spreyta sig í úrslitaleiknum.
Saliba var ekki valinn í Evrópudeildarhóp Arsenal á þessu tímabili og hefur þá ekki fengið tækifæri með aðalliðinu en hann er nú genginn í raðir Nice á láni frá Arsenal.
Hann mun spila með Nice út þessa leiktíð en Nice fær ekki forkaupsrétt á leikmanninum.
Athugasemdir