Svava Rós Guðmundsdóttir er gengin í raðir FC Bordeaux í efstu deild í Frakklandi.
Svava er 25 ára sóknarmaður sem leikið hefur með Kristianstad undanfarin ár.
Svava er 25 ára sóknarmaður sem leikið hefur með Kristianstad undanfarin ár.
Hún ákvað að skipta yfir til Frakklands eftir liðið tímabili í Svíþjóð. Bordeaux er í 3. sæti frönsku deildarinnar á eftir PSG og Lyon þegar ellefu umferðir eru búnar.
Svava er uppalin hjá Val en hefur einnig leikið með Breiðabliki á Íslandi. Hún á að baki 24 A-landsleiki. Hún hefur einnig leikið með Röa í Noregi sem atvinnukona.
„Það var mjög erfið ákvörðun að yfirgefa Kristianstad, sérstaklega þar sem liðinu gekk virkilega vel á síðustu leiktíð og leikur í Meistaradeildinni á komandi keppnistímabili."
„Ég hef verið í viðræðum við önnur lið og mér fannst þetta fínn tímapunktur til þess að taka næsta skref á mínum ferli," sagði Svava í viðtali í desember.
Í Frakklandi leikur Sara Björk Gunnarsdóttir með Lyon og þær Anna Björk Kristjánsdóttir og Berglind Björg Þorvaldsdóttir með Le Havre.
Dans les coulisses de l'arrivée de Svava Ros Gudmundsdottir ➡ https://t.co/d4V3In6ezM pic.twitter.com/u7wiIKR3jM
— FCGB Féminines (@FCGBWomen) January 4, 2021
Athugasemdir