HK heldur áfram að styrkja sig fyrir komandi átök í Bestu deild karla en Atli Þór Jónasson er kominn til félagsins frá Hamri.
HK-ingar stóðu sig frábærlega undir stjórn Ómars Inga Guðmundssonar í Lengjudeildinni síðasta sumar eftir að Brynjar Björn Gunnarsson hætti með liðið.
Liðið náði mögnuðum árangri þrátt fyrir að hafa misst Valgeir Valgeirsson í atvinnumennsku og Stefán Þór Sigurðarson út í háskólaboltann í Bandaríkjunum.
Það mun nú spila í Bestu deildinni og hafa HK-ingar fengið spennandi leikmann til félagsins fyrir komandi átök en Atli Þór Jónasson skrifaði undir samning sem gildir út 2024.
Atli Þór er tvítugur sóknarmaður sem er uppalinn í Hamri en hann skoraði 17 mörk í 4. deildinni síðasta sumar.
Athugasemdir