Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 04. apríl 2020 19:30
Guðmundur Aðalsteinn Ásgeirsson
Maradona ásakar félög um að koma fram við leikmenn eins og þræla
Diego Maradona.
Diego Maradona.
Mynd: Getty Images
Argentíska goðsögnin Diego Maradona segir að knattspyrnufélög séu að nota kórónuveirufaraldurinn sem afsökun til að nota leikmenn „eins og þræla".

Maradona, sem er þjálfari Gimnasia de La Plata í heimalandinu, ákvað að blanda sér í umræðuna eftir að Carlos Tevez, leikmaður Boca Juniors, sagði: „Knattspyrnumaður getur lifað í sex mánuði eða eitt ár án þess að fá laun. Við erum ekki í sömu stöðu og vinnandi fólk með börn sem fer út úr húsi klukkan 6 á morgnana og kemur aftur heim klukkan 7 til að geta fætt fjölskylduna."

Mikil umræða er í ensku úrvalsdeildinni varðandi launalækkanir leikmanna.

Maradona telur hins vegar að sum knattspyrnufélög séu að nota heimsfaraldurinn sem afsökun til að borga ekki það sem þau geta borgað.

Hinn 59 ára gamli Maradona sagði: „Það er satt að það eru til leikmenn sem þurfa ekki að fá borgað. En það eru líka til leikmenn sem geta ekki spilað frítt, jafnvel í einn mánuð, og félögin eiga að borga þeim."

„Það eru sum félög sem spila sig heimsk og vilja notfæra sér stöðuna til að forðast það að borga. Þessi félög hafa komið fram við leikmenn eins og þræla í mörg ár. Þau ættu ekki að vera að leita að afsökunum núna því leikmenn þurfa enn að borða."

Maradona hefur boðist til að setja upp sjóð fyrir leikmenn og þjálfara sem eru í fjárhagsörðugleikum vegna kórónuveirunnar. Hann hvetur launaháa leikmenn til að slá í lið með sér.
Athugasemdir
banner
banner
banner
banner