Svíinn ótrúlegi Zlatan Ibrahimovic verður kvaddur í kvöld eftir fjögurra ára dvöl og Ítalíumeistaratitil með AC Milan.
Zlatan er 41 árs gamall og hefur lítið sem ekkert komið við sögu á tímabilinu vegna meiðsla. Hann hefur tekið þátt í fjórum leikjum á leiktíðinni og skorað í þeim eitt mark.
Lokaumferð ítalska deildartímabilsins fer fram í kvöld og er Milan með öruggt Meistaradeildarsæti þar. Milan tekur á móti Hellas Verona og munu samherjar Zlatan og stuðningsmenn fá tækifæri til að kveðja goðsögnina eftir leik.
Milan hefur staðfest að það verður haldin stutt kveðjuathöfn fyrir Zlatan, sem skoraði 37 mörk í 78 leikjum frá endurkomu sinni til Milan 2019. Hann varð einnig Ítalíumeistari með Milan 2011 og skoraði 56 mörk í 85 leikjum frá 2010 til 2012.
Hann var mikilvægur partur af leikmannahópi Milan þrátt fyrir vaxandi aldur og sífellt minnkandi spiltíma. Zlatan sinnti mikilvægu hlutverki af hliðarlínunni er Milan varð Ítalíumeistari í fyrra og skoraði um leið átta mörk í 23 deildarleikjum.
Zlatan rennur út á samningi í sumar og hefur verið orðaður við félagsskipti til Monza. Hann hefur meðal annars leikið fyrir Ajax, Inter, Barcelona og Manchester United á ferlinum.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 10 | 7 | 1 | 2 | 16 | 8 | +8 | 22 |
| 2 | Inter | 10 | 7 | 0 | 3 | 24 | 12 | +12 | 21 |
| 3 | Milan | 10 | 6 | 3 | 1 | 15 | 7 | +8 | 21 |
| 4 | Roma | 10 | 7 | 0 | 3 | 10 | 5 | +5 | 21 |
| 5 | Bologna | 10 | 5 | 3 | 2 | 16 | 8 | +8 | 18 |
| 6 | Como | 11 | 4 | 6 | 1 | 12 | 6 | +6 | 18 |
| 7 | Juventus | 10 | 5 | 3 | 2 | 14 | 10 | +4 | 18 |
| 8 | Lazio | 10 | 4 | 3 | 3 | 13 | 7 | +6 | 15 |
| 9 | Udinese | 10 | 4 | 3 | 3 | 12 | 15 | -3 | 15 |
| 10 | Cremonese | 11 | 3 | 5 | 3 | 12 | 13 | -1 | 14 |
| 11 | Atalanta | 10 | 2 | 7 | 1 | 13 | 8 | +5 | 13 |
| 12 | Sassuolo | 10 | 4 | 1 | 5 | 11 | 12 | -1 | 13 |
| 13 | Torino | 10 | 3 | 4 | 3 | 10 | 16 | -6 | 13 |
| 14 | Cagliari | 11 | 2 | 4 | 5 | 9 | 14 | -5 | 10 |
| 15 | Lecce | 11 | 2 | 4 | 5 | 8 | 14 | -6 | 10 |
| 16 | Pisa | 11 | 1 | 6 | 4 | 8 | 14 | -6 | 9 |
| 17 | Parma | 10 | 1 | 4 | 5 | 5 | 12 | -7 | 7 |
| 18 | Genoa | 10 | 1 | 3 | 6 | 6 | 14 | -8 | 6 |
| 19 | Verona | 11 | 0 | 6 | 5 | 6 | 16 | -10 | 6 |
| 20 | Fiorentina | 10 | 0 | 4 | 6 | 7 | 16 | -9 | 4 |
