Hinn 72 ára gamli Kidd hjálpaði Man City að vinna ensku úrvalsdeildina fimm sinnum, FA-bikarinn tvisvar og enska deildabikarinn fimm sinnum.

Hann kom fyrst inn í þjálfarateymið hjá Roberto Mancini árið 2009 og var í þjálfarateyminu hjá bæði Manuel Pellegrini og Pep Guardiola, sem er núverandi stjóri City.

„Það voru forréttindi að vera hluti af svona spennandi kafla í sögu félagsins," segir Kidd sem kveður núna.

Kidd lék yfir 200 leiki með nágrönnum City, Manchester United, á leikmannaferli sínum en hann spilaði jafanframt fyrir City þó leikirnir þar hafi verið aðeins færri.