Kipré, 23 ára, er fæddur í Frakklandi en á ættir að rekja til Fílabeinsstrandarinnar og hefur spilað einn U23 leik fyrir Afríkuþjóðina.

West Brom er talið borga eina milljón punda fyrir Kipré sem er búinn að skrifa undir fjögurra ára samning.

Kipré er uppalinn hjá Paris Saint-Germain og var fenginn til Leicester árið 2014. Hann spilaði aðeins einn leik fyrir félagið og hefur síðan þá verið lykilmaður í liði Motherwell í efstu deild skoska boltans og Wigan sem féll úr Championship deildinni á síðustu leiktíð vegna mínusstiga.

Kipre er annar leikmaðurinn sem West Brom kaupir eftir að hafa farið upp um deild. Matheus Pereira, sem lék með WBA á láni á síðustu leiktíð, var keyptur í ágúst.