Heimild: Stjórnarráðið (1) | Stjórnarrðið (2)
Heimilt verður að hafa áhorfendur með svipuðum hætti og verið hefur, 100 í hólfi en nú þarf að skrá alla og allir að bera grímu.
Heilbrigðisráðherra hefur staðfest nýjar reglugerðir um takmarkanir á samkomuhaldi til að sporna við útbreiðslu COVID-19. Það vekur athygli að búið er að breyta því sem gefið var út í gær að áhorfendur yrðu bannaðir á íþróttaviðburðum.
Nú er búið að leyfa áhorfendur á íþróttaviðburðum utan dyra, allt að 100 í rými og allir þurfa að bera grímu auk þess sem skrá þarf nöfn allra og setja þá í númeruð sæti.
Í gær stóð á vef stjórnarráðsins: „Gerð verður sérstök grein fyrir reglum í íþrótta- og menningarstarfsemi í auglýsingu en ekki verður gert ráð fyrir áhorfendum á íþróttaviðburðum."
Því hefur nú verið breytt í endanlegri útgáfu heilbrigðisráðherra og þar stendur núna: „Áhorfendur á íþróttaleikjum: Óheimilt er að hafa áhorfendur á íþróttaviðburðum innandyra. Utandyra er heimilt að hafa áhorfendur, allt að 100 í hverju rými, að því gefnu að gestir sitji í númeruðum sæti sem skráð eru á nafn og noti andlitsgrímu."
Framundan eru þrír leikir hjá karlalandsliði Íslands frá fimmtudegi til miðvikudags í næstu viku. Miðað við þetta gæti KSÍ ákveðið að selja miða á þá leiki.
Athugasemdir
