Argentínski miðvörðurinn Juan Foyth er kominn til Villarreal þar sem hann mun spila í eitt ár á lánssamningi frá Tottenham. Hann hefur þá um leið framlengt samning sinn við Tottenham um eitt ár til að tapa ekki verðgildi skildi hann vera áfram í London næsta sumar.
Foyth er 22 ára gamall og hefur spilað 30 leiki á þremur árum hjá Tottenham.
Með lánssamningi Foyth fylgir kaupmöguleiki sem Villarreal getur nýtt sér undir lok tímabils og hljóðar hann uppá 15 milljónir evra.
Foyth á tíu leiki að baki fyrir argentínska landsliðið og mun berjast við menn á borð við Raul Albiol og Pau Torres um byrjunarliðssæti.
Athugasemdir